Hafnarbraut 2 á Höfn Hornafirði. Tilboð óskast í húsið. Húsið skiptist í tvo eignarhluta þ.e. 0101 fastanr. 218-0639 sem er veitingahús skráð 190,5 m2 og 0201 fastanr. 218-0640 sem er íbúð skráð 102,3 m2. Um er að ræða "kaupmannshúsið" sem er perla í byggingarlist á Höfn. Það er vandað og virðulegt timburhús á þremur hæðum sem stendur við aðalgötu bæjarins með útsýni yfir höfnina. Lóðin er 576 m2 og er snyrtileg og grasi vaxin, en byggingarleyfi er fyrir öðru húsi norðanmegin á lóðinni. Húsið er alls 292,8 fermetrar á þremur hæðum. Sérinngangur er á efri hæð og í kjallara en innangengt er á milli hæða. Kjallari hússins (92 m2) er steyptur og þar er leyfi fyrir veitingarekstri en hann hentar einnig sem íbúð því þar er snyrting og lítið opið eldhús. Inn af kjallara er þvottahús og vinnuaðstaða sem og sturta og salerni. Á miðhæð (98,5 m2) er nú rekinn vinsæll veitingastaður en þar er fullbúið eldhús, snyrting, borðsalur, bar og forstofa.
Á efstu hæð (102,3 m2) er fjögurra herbergja nýlega uppgerð íbúð með stórum svölum og frábæru útsýni yfir ósinn. Yfir allri íbúðinni er manngengt ris.
Húsið býður upp á marga möguleika og nýr miðbær Hafnar á að rísa fyrir aftan húsið. Núverandi eigendur bjuggu í húsinu 2018-2023 auk þess að reka í því vinsælt veitingahús, verslun og bar í kjallara. Þá er mikil uppbygging í vændum á Höfn. Þannig er verið að brúa Hornafjarðarfljót, ný verslunarmiðstöð á að rísa sem og heit böð og hótel í Hoffelli. Má ætla að það verði til þess að auka enn á fjölda ferðamanna á svæðinu, innlendra sem erlendra.
Til að nálgast söluyfirlit eða bóka skoðun hafðu samband við Auði í síma 6937674 eða í gegnum netfangið [email protected]
Atvinnuhús 
0 herb.
292 m2
Tilboð 