Fasteignasalan Höfði kynnir virkilega fallegt og vel skipulagt tveggja hæða einbýlishús ásamt bílskúr og aukaíbúð á eftirsóttum stað í fjölskylduvænu og grónu hverfi að Bleikjukvísl 17, í Árbænum, 110 Reykjavík. Samtals skráðir fermetrar skv. FMR 323,5 fm, þar af er bílskúr 28,1 fm. Að auki er óskráður kjallari 70 fm og 20 fm óskráður sólskáli og er því húsið í raun 413,5 fm.
Mjög fallegur gróinn garður er í kringum húsið ásamt gróðurhúsi og nýbyggðum palli. Í húsinu er auka íbúð og mjög lítið mál er að bæta annarri við. Óskráða kjallararýmið er nú nýtt sem líkamsræktaraðstaða. Um er að ræða frábært fjölskylduhús sem býður upp á marga möguleika. Hringdu núna og BÓKAÐU SKOÐUN hjá Ásmundur Skeggjasyni sími 8953000 eða í gegnum netfangið [email protected].
**Skipti möguleg á ódýrari eign**
Nánari lýsing: Efri hæð Komið er inn í rúma forstofu með fatahengi og gestabaðherbergi. Flísar á gólfi. Frá forstofu er gengið inn í aðalrými hússins sem telur sjónvarpsstofu, stóra stofu, borðstofu og eldhús. Einnig er á hæðinni þvottahús, stórt baðherbergi og fataherbergi, ásamt 2 svefnherbergjum. Eldhúsið var endurnýjað árið 2021 en vönduð upprunaleg Alno innrétting látin halda sér en skápar færðir til og skipulagi breytt, ný tæki og granítsteinn á borðum. Þvottahús er inn af eldhúsi með útgengi út í garð. Góð aðstaða í þvottahúsi með miklu skápaplássi og vaski. Í stofunni eru stórir gluggar sem gerir rýmið bjart. Stór steyptur arinn er á milli stofu og borðstofu. Borðstofan er fyrir framan eldhúsið sem rúmar stórt borðstofuborð, útgengt á verönd úr borðstofu. Nýtt parket er á allri hæðinni. Aðalbaðherbergi eignarinnar ermeð baðkari, sturtuklefa, salerni og flísar eru á veggjum og gólfi. 2 svefnherbergi eru á hæðinni en auðvelt er að bæta við 3ja svefnherberginu. Aukaíbúð Aukaíbúðin er á efri hæð. Komið er inn í bjart alrými með mörgum stórum gluggum, þar er eldhús og stofa/borðstofa. Inn af því rými er rúmgott svefnherbergi og baðherbergi með sturtu, flísum á veggjum og gólfi. Í íbúðinni er sólstofa, gengið er í gegnum hana í svefnherbergi 2. Auðvelt er að breyta fyrirkomulagi og gera hæðina að einu rými. Neðri hæð er 78 fm sem telur nú 3 svefnherbergi, 1 baðherbergi með sturtu, sjónvarpsstofu og forstofu, sérinngangur. Auðvelt er að setja upp eldhúsinnréttingu, allar lagnir eru til staðar,(rýmið var áður íbúð sem var í útleigu) og því hægt að bæta við annarri íbúð á neðri hæðinni. Á neðri hæðinni er einnig 70 fm rými sem telst ekki með í uppgefinni fermetratölu hússins sem nú er nýtt sem tómstundarými, þar er líka baðherbergi með salerni og vaski. Samtals eru 5 baðherbergi/salerni í öllu húsinu og 7 svefnherbergi. Bílskúr/geymsla: Innangengt er í bílskúr af neðri hæð. Geymsluloft er yfir hluta af bílskúrnum með góðu aðgengi. Garður: Skjólgóður gróinn garður með nýju gróðurshúsi og nýbyggðri timburverönd. Garðinum kringum eignina er vel við haldið. Gert er ráð fyrir lögnum fyrir heitan pott. Í garðinum er einnig garðhýsi fyrir húsgöng og áhöld. Eignin er mjög vel staðsett, stutt er í skóla, leikskóla, þjónustu, íþróttasvæði, sundlaug og fallegar gönguleiðir í Elliðarárdalnum. Allar nánari upplýsingar veitir Ásmundur Skeggjason fasteignasali [email protected], Gsm 895 3000.
Einbýli/ Einbýlishús með aukaíbúð 
11 herb.
323 m2
185.000.000 