Eskihlíð 22 A, Reykjavík


TegundFjölbýlishús Stærð106.00 m2 4Herbergi 1Baðherbergi Sameiginlegur

**Opið hús mánudaginn 14.10.2019 á milli kl. 17:00 og 17:30**
106 m², fjölbýlishús, 4 herbergi
Falleg, björt og einstaklega vel skipulögð íbúð í fjölbýlinu Eskihlíð 22A til sölu. Íbúðin er 95,7 fm fjögurra herbergja íbúð á þriðju hæð. Fallegt útsýni. Íbúðinni fylgir 10,3 fm geymsla/herbergi í kjallara með gluggum sem er ekki inn í fermetratölu eignar samkv. Þjóðskrá Íslands. Heildar stærð fasteignarinnar er því 106 fm. Svalir eignar snúa í suðaustur. Í kjallara er sameiginlegt og rúmgott þvottahús, hjóla- og vagnageymsla. Húsið var byggt árið 1957.

NÁNARI LÝSING:
Komið er inn í bjartan stigagang með nýlegu teppi. Fyrir framan inngang íbúðar er lítil forstofa. Möguleiki er að færa íbúðarhurðina og hafa forstofuna innan íbúðar. Það hefur verið gert í sumum íbúðum í stigahúsi. Íbúðin skiptist í hol, eldhús, þrjú svefnherbergi – öll með rúmgóðu skápaplássi, stofu, baðherbergi og herbergi/geymslu í kjallara. Léttur veggur (ekki burðarveggur) er á milli stofu og hjónaherbergis. Auðvelt að opna á milli. Þá myndast möguleiki að færa eldhús í stofu og skapa alrými: stofu, borðstofu og eldhús. Slíkt fyrirkomulag þekkist í húsinu.

Eign skiptist þannig:
Hol Gengið er inn í parketlagt hol sem tengir saman vistarverur eignar. Í holinu er rúmgóður skápur.
Eldhús. Eldhúsið er með glugga með fallegu útsýni út á sjó. Eldhúsið er með fallegri, bjartri og vel meðfarinni retró innréttingu og borðkrók. Á gólfi er parket.
Svefnherbergi. Öll þrjú svefnherbergin eru björt og rúmgóð. Góðir skápar eru í öllum herbergjum. Parket er á gólfum allra herbergja.
Baðherbergi er flísalagt með baðkari, hvítri innréttingu og glugga með opnanlegu fagi. Dúkur á gólfi.
Stofa/borðstofa er rúmgóð með útgengt út á svalir. Parket á gólfi.
Herbergi/geymsla. Í kjallara er herbergi/geymsla með tveimur gluggum (annar með opnanlegu fagi). Aðgangur er þar að sameiginlegu baðherbergi með sturtu. Reynsla er fyrir því í húsinu að útbúa herbergi til útleigu.

Sameiginlegt, bjart og rúmgott þvottahús/þurrkherbergi, lagnaherbergi og hjólageymsla er í kjallara. Sameign er snyrtileg. Stór og skjólgóður sameiginlegur garður.

Ytra byrði hússins var tekið í gegn fyrir um það 20 árum. Það var endursteinað og þak endurnýjað. Þakið var málað og yfirfarið síðast árið 2017. Frárennslislagnir undir húsinu hafa verið fóðraðar að innan.

Þetta er vel skipulögð og góð eign á vinsælum stað í hjarta Reykjavíkur. Stutt er í alla þjónustu, skóla og útivistarsvæði Öskjuhlíðar, Nauthólsvíkur og Klambratúns.


Laus 31.12. Allar nánari upplýsingar veitir Ásmundur Skeggjason fasteignasali, asmundur@hofdi.is, Gsm 895 3000

í vinnslu