Kristnibraut 9, 113 Reykjavík (Grafarholt)
134.900.000 Kr.
Hæð/ Hæð í tvíbýlishúsi
4 herb.
188 m2
134.900.000
Stofur
2
Svefnherbergi
2
Baðherbergi
2
Inngangur
Sér
Byggingaár
2003
Brunabótamat
95.990.000
Fasteignamat
110.550.000

Milljón dollara útsýni - Íbúð fylgir með frítt! Skipti eru möguleg á ódýrari eign, bjóddu þína uppí. 
 
Höfði fasteignasala kynnir stórglæsilega útsýnisíbúð, efri hæð, á besta stað í Grafarholti. Um er að ræða endahús við Kristnibraut með einstakt útsýni til vesturs, norðurs og austurs, yfir borgina, sundin, út á Faxaflóa og Snæfellsnes þar sem Snæfellsjökull, Esjan og Úlfarsfell skarta sínu fegursta og sólsetrið er engu líkt. 

 
Gengið er beint inn af götunni en þar eru upphituð mynstursteypt einkastæði, rafhleðslustöð við bílskúr og breiðar upplýstar svalir upphitaðar alla leið að dyrum. 
 
Íbúðin er í grennd við alla almenna þjónustu, golfvöll, náttúru, hjóla- og gönguleiðir við Reynisvatn, Hólmsheiði, Úlfarsfell og Paradísardal.

 
Nánari lýsing íbúðar:

 
Hjónaherbergi með stórum fataskápum og skúffum skartar útsýni yfir Esjuna og Úlfarsfell en inn af því er baðherbergissvíta með rúmgóðri sturtu. 
 
Annað baðherbergi er með baðkari og sturtu. Innréttingar á báðum baðherbergjum eru með granítplötum og vönduðum tækjum. Bæði baðherbergi eru flísalögð í hólf og gólf. 
 
Annað svefnherbergi er mjög rúmgott, með fataskáp og miklu útsýni. 
 
Í eldhúsi er sérsmíðuð eikarinnrétting með Miele bakarofni og Miele sambyggðum örbylgju- og bakarofni. Borðplötur og eyja úr granít. 
 
Öll hæðin er flísalögð með sérinnfluttum vönduðum flísum og allar gluggakistur eru úr granít. Hiti er í gólfum á allri hæðinni og engir ofnar. 
 
Í forstofu eru stórir fataskápar og þaðan er gengið niður í rúmgott þvottahús á neðri hæð með góðri innréttingu, efri og neðri skápum með flísum á milli. Þvottavél og þurrkari í vinnuhæð. 
 
Inn af þvottahúsinu er auka herbergi sem hefur verið nýtt sem skrifstofa, hobbý- og gestaherbegi. Þar eru stórir, loftháir, djúpir skápar. Samkvæmt teikningu er gert ráð fyrir þremur herbergjum á aðalhæðinni auk herbergis í kjallara svo hægt er að vera með tvö til fjögur herbergi að vild. Þvottahús og aukaherbergi eru með opnanlegum gluggum. 
 
Borðstofan er rúmgóð með plássi fyrir stórt borðstofuborð. Sérsmíðaður stór borðstofuskápur. 
 
Stofan er mjög rúmgóð með óviðjafnanlegt útsýni í þrjár áttir. Gengið er út á flísalagðar skjólríkar svalir í suðvestur þar sem sólin sýnir sig allan daginn þar til hún skartar einstöku sólsetri inn um gólfsíðan stóran stofugluggan þegar kvölda tekur og við taka borgarljósin í allri sinni dýrð. 
 
Bílskúr, geymsla og garður:
Á bílskúr eru tvær inngönguhurðir, ein að framan og ein við aðalinngang íbúðar. Milliveggur hefur verið settur svo inngangur nær íbúð gengur inn í geymslu með hillum en framhurðin inn í skúrinn. Í skúrnum er gott vinnuborð, niðurfall, heitt og kalt vatn og vaskur. Milliloft er í bílskúrnum sem í dag er nýtt sem geymsla.
 
Sameiginlegur garður. 

Allar nánari upplýsingar veitir Ásmundur Skeggjason fasteignasali [email protected], Gsm 895 3000.

Senda fyrirspurn um eignina

Skilaboð hafa verið send.

Sjá söluyfirlit

Skilaboð hafa verið send.